Jesus answered, “I am the way and the truth and the life. No one comes to the Father except through me.” – John 14:6
Sa pagtuligsa ng mga Born Again (kaisa ng ibang sekta Protestante) sa mga Katoliko, isa ang John 14:6 sa mga madalas na gamitin nila.
Madalas ginagamit ito laban sa paghingi ng mga Katoliko ng intercession sa mga Santo.
Bakit daw nagdadasal pa ang mga Katoliko sa mga Santo. Di na daw ito kailangan dahil ang Panginoong Hesus lamang (mariin ang pagbigkas sa “lamang”) ang tanging (mariin din ang pagbigkas sa “tangi”) daan patungo sa Ama. Si Jesus lamang ang Tagapagligtas, ang daan patungo sa Kaligtasan.
Sa paniniwala nga mga Protestanteng mapantuligsa, ang mga Katoliko daw ay nagdadagdag ng Tagapagligtas bukod sa Panginoong Hesus sa ganitong gawain.
Ano nga ba ang papel ng Simbahan bilang “communion of saints” sa gawain ng pagliligtas? Bakit nga ba nagdadasal ang mga Katoliko sa mga Santo?
Itinuturo ng Simbahang Katoliko at ng Banal na Kasulatan na iisa lamang ang Tagapagligtas:
Christ’s death is the unique and definitive sacrifice
Christ’s death is both the Paschal sacrifice that accomplishes the definitive redemption of men, through “the Lamb of God, who takes away the sin of the world”, and the sacrifice of the New Covenant, which restores man to communion with God by reconciling him to God through the “blood of the covenant, which was poured out for many for the forgiveness of sins”. This sacrifice of Christ is unique; it completes and surpasses all other sacrifices. First, it is a gift from God the Father himself, for the Father handed his Son over to sinners in order to reconcile us with himself. At the same time it is the offering of the Son of God made man, who in freedom and love offered his life to his Father through the Holy Spirit in reparation for our disobedience. (Catechism of the Catholic Church #613-614)
For there is one God, and one mediator of God and men, the man Christ Jesus (1 Tim. 2:5, Douay Rheims Bible)
Pero nakasulat din naman sa Biblia ang mga sumusunod na salita…
Mga kapatid, kung may kapatid kayong nalilihis ng landas at may isa namang umakay sa kanya upang magsisi, ito ang tandaan ninyo: sinumang makapagpabalik sa isang makasalanan tungo sa wastong pamumuhay ay nagliligtas ng isang kaluluwa sa kamatayan at nakakapawi ng maraming kasalanan. (Santiago 5:19,20)
Pansinin na ang mga katagang “sinuman” (hindi sinabing “si Hesus lang”) at “nagliligtas ng isang kaluluwa sa kamatayan at nakakapawi ng maraming kasalanan“. Para sa mga Protestante, nangangahulugan kaya ito na nagdadagdag ng “ibang tagapagligtas” bukod sa Panginoong Hesus si Santiago?
Ito pa…
Nagagalak ako sa aking paghihirap alang-alang sa inyo, sapagkat sa pamamagitan nito’y naipagpapatuloy ko ang paghihirap na kailangan pang gawin ni Cristo para sa iglesya na kanyang katawan. (Colosas 1:24)
Nang sabihin ni San Pablo na “aking paghihirap” (hindi “paghihirap ni Cristo”), at “naipagpapatuloy ko ang paghihirap na kailangan pang gawin ni Cristo para sa iglesya na kanyang katawan” nangangahulugan kaya ito na kinikilala niya ang sarili niya bilang “ibang tagapagligtas” bukod kay Cristo at may kulang sa paghihirap na ginawa sa Krus ng Kalbaryo?
Ang bawat Kristiyano ay nakipag-isa kay Kristo, sa kanyang kamatayan at muling pagkabuhay sa pamamagitan ng bautismo:
Samakatuwid, tayo’y namatay na at nalibing na kasama niya sa pamamagitan ng bautismo upang kung paanong binuhay muli si Cristo sa pamamagitan ng dakilang kapangyarihan ng Ama, tayo rin ay magkaroon ng panibagong buhay. – Roma 6:4 (tignan din Efeso 2:6)
At dahil dito ang bawat Kristiyano ay bahagi ng iglesia, ang katawan ni Cristo (Efeso 4:12, Roma 12:5) at si Cristo ang ulo (Colosas 1:18)…
…anuman ang gawin ng ulo (si Jesus) ay kabahagi ang katawan (ang iglesia) sa gawaing ito dahil sa pakikipagisa kay Kristo.
Hindi lamang sa pagkamatay at muling pagkabuhay nakikipag-isa ang mga Kristiyano kay Kristo sa pamamagitan ng bautismo, kundi maging sa paghihirap….
Sinabi ni Jesus sa kanyang mga alagad, “Ang sinumang nagnanais sumunod sa akin ay kinakailangang itakwil niya ang kanyang sarili, pasanin ang kanyang krus, at sumunod sa akin.” (Mateo 16:24)
…at sa gawain ng pagliligtas.
Lumapit si Jesus at sinabi sa kanila, “Ibinigay na sa akin ang lahat ng kapangyarihan sa langit at sa lupa. Kaya’t habang kayo’y humahayo, gawin ninyong alagad ko ang mga tao sa lahat ng bansa. Bautismuhan ninyo sila sa pangalan ng Ama, at ng Anak, at ng Espiritu Santo. Turuan ninyo silang sumunod sa lahat ng iniutos ko sa inyo. Tandaan ninyo, ako’y laging kasama ninyo hanggang sa katapusan ng panahon.” (Mateo 28:18-20)
Kaya, ang Santiago 5:19,20 ay pakikiisa ng isang Kristiyano bilang bahagi ng katawan ni Cristo sa gawain ng pagliligtas ng Panginoong Hesus. At ang Colosas 1:18 naman ay pakikiisa sa paghihirap ng Panginoong Hesus.
Pakiki-isa. Hindi pagdadagdag.
In union with Christ.
Ang Simbahan ay kaisa ni Cristo sa pagliligtas.
Ang mga Santo, ang mga manananampalataya ni Cristo na pumanaw na dito sa lupa, ay bahagi pa rin ng katawan ng Panginoong Hesus. Hindi tumitigil ang pagiging Kristiyano sa kamatayan ng pisikal na katawan. Hindi rin nito tinatapos ang pagiging bahagi ng isa katawan ni Cristo ng isang Kristiyano.
Kung tayo’y nabubuhay, sa Panginoon tayo nabubuhay; at kung tayo’y namamatay, sa Panginoon tayo namamatay. Kaya nga, sa mabuhay o sa mamatay, tayo’y sa Panginoon. Sapagkat si Cristo ay namatay at muling nabuhay upang maging Panginoon ng mga patay at ng mga buhay. (Roma 14:8,9)
‘Ako nga ang Diyos ni Abraham, Diyos ni Isaac, at Diyos ni Jacob.’ Ang Diyos ay hindi Diyos ng mga patay, kundi ng mga buhay.” (Mateo 22:32)
Patay ang pisikal na katawan ng mga Santo pero nanatili silang “sa Panginoon” at sila ay buhay dahil kapiling nila ang Diyos ng mga Buhay.
At bilang bahagi ng katawan ni Cristo, ang mga Santo ay nilalapitan ng mga Katoliko sa pamamagitan ng pananalangin (pananalangin bilang isang komunikasyon i.e. metaphysical [beyond physical] communication) upang humingi ng intercession ng mga Santo. Sa pamamagitan ng kanilang intercession, ang mga Kristiyano na nasa sanlibutan pa ay tinutulungan ng mga Santo na maging matagumpay sa buhay espirituwal.
Para sa mga Katoliko, hindi imposible ang lumapit sa mga taong banal dahil ayon sa Biblia….
“Ang nilapitan ninyo’y ang Bundok ng Sion at ang lunsod ng Diyos na buhay, ang Jerusalem sa langit, na kinaroroonan ng di-mabilang na anghel. Lumapit kayo sa masayang pagkakatipon ng mga ibinilang na panganay, na nakatala sa langit. Lumapit kayo sa Diyos na hukom ng lahat, at sa mga espiritu ng mga taong banal na naroon na sa dakong inilaan sa kanila ng Diyos.” (Hebreo 12:22,23)
Paanong magkakaroon nang ugnayan ang nasa langit at nasa lupa?
Tinubos tayo ni Cristo sa pamamagitan ng kanyang dugo, at sa gayon ay pinatawad na ang ating mga kasalanan. Ganoon kadakila ang kanyang kagandahang-loob na ibinigay sa atin. Sa pamamagitan ng kanyang karunungan at kaalaman, ipinaunawa sa atin ng Diyos ang hiwaga ng kanyang kalooban na isasakatuparan sa pamamagitan ni Cristo pagdating ng takdang panahon. Layunin niyang tipunin ang lahat ng nilikha sa langit at sa lupa, at ipasailalim ang mga ito kay Cristo. (Efeso 1:10)
Sa pamamagitan niya, ang bawat bahagi ng gusali ay nagkakaugnay-ugnay at nagiging isang banal na templo ng Panginoon. (Efeso 2:21)
…at sa pamamagitan ng Anak, niloob ng Diyos na ang lahat ng bagay, maging sa langit o sa lupa, ay makipagkasundo sa kanya; pakikipagkasundo sa pamamagitan ng pag-aalay ng Anak ng kanyang dugo sa krus. (Colosas 1:20)
Dahil si Cristo ang ulo at ang mga Kristiyano ang katawan, ang ugnayan ng mga nasa langit at nasa lupa ay ayon sa pakikipagisa kay Kristo. Bawat bahagi ng gusali ay nagkakaugnay-ugnay.
Isang dahilan yan kung bakit Catholic o Universal ang Simbahan.
Ayon sa Biblia, ang mga Kristiyano ay dapat na manalangin para sa isa’t isa.
Kaya nga, ipagtapat ninyo sa inyong mga kapatid ang inyong mga kasalanan at ipanalangin ninyo ang isa’t isa, upang kayo’y gumaling. Malaki ang nagagawa ng panalangin ng taong matuwid. (Santiago 5:16)
Kung malaki ang nagagawa ng panalangin ng mga taong matuwid, at ang mga Santo ay mga taong matuwid, nararapat lang na hilingan sila ng mga Kristiyano na nasa lupa na idulog sila sa Diyos.
Minsan, ipinagtataka ko rin sa mga Born Again na pilit ng pilit, paulit-ulit na sinasabi na dapat daw kung magdadasal e dumirecho na sa Diyos. Pero kapag may “anointed man of God” sila na nakakadaupang palad, nagpapa-layhands sila para ipagpray sa paniniwalang “malakas kay Lord” ang mga taong “anointed”. Sana nanalangin na lang sila ng derecho sa Diyos.
Minsan pa nga may nagsabi na hindi na daw kailangan ang intercession ng mga Santo (Born Again pastor na kakilala ko ang may sabi) dahil ayon daw sa Roma 8:26…
In the same way, the Spirit helps us in our weakness. We do not know what we ought to pray for, but the Spirit himself intercedes for us through wordless groans.
Ang Espiritu Santo mismo ang nagi-intercede para sa mga Kristiyano. Totoo, pero ang mga Kristiyano ay Templo ng Diyos…
Hindi ba ninyo alam na kayo’y templo ng Diyos at naninirahan sa inyo ang kanyang Espiritu? (1 Corinto 3:16)
Ibig sabihin, kung ang mga Kristiyano ay Templo ng Diyos at at Espiritu ang nagi-intercede, ang Espiritu Santo ay nananalangin mula sa puso ng mga Kristiyano. Lalong lalo na ng mga Santo.
Ang mga Santo ay hindi mga Tagapagligtas kundi nakikiisa sa gawain ni Cristo ng pagliligtas.
Ganito ang Pamilya ng Diyos, nagtutulungan para sa kaligtasan ng bawat isa.
Kaya’t pagsikapan nating gawin ang mga bagay na makakapagdulot ng kapayapaan at makakapagpatibay ng pananampalataya ng isa’t isa. (Roma 14:19)
At ang ibang nagaalinlangan ay inyong kahabagan; At ang iba’y inyong iligtas, na agawin ninyo sa apoy; at ang iba’y inyong kahabagan na may takot; na inyong kapootan pati ng damit na nadungisan ng laman. (Judas 22,23)
Hindi sinosolo ang relasyon kay Kristo at tinatawag na “personal relationship”. Pinagbabahaginan ito bilang isang katawan ni Cristo.
Walang sinuman sa atin ang nabubuhay o namamatay para sa kanyang sarili lamang. (Roma 14:7)
“I believe in the Holy Spirit, the Holy Catholic Church, the communion of Saints….”
************************************
Para sa mga artikulo na may kaugnayan dito:
Pingback: Hail Mary (Ikalawang Bahagi) | PILIPINONG KATOLIKO
Sabing wag gumawa nang mga graven image… Di nga kayang e represent nang GInto o pilak ang kanyang pagka Diyos… SA Bible wlang porgatoryo wlang rosary Sabi Lang nang mga pari pero naniniwala kayo… SA Bible inutusan tayong Wala tayong tatawaging ibang AMA Kung di Ang NASA itaas Lang tawag nyo sa pari Father ano yan suwail lang? Ang Diyos nang bahala sa inyo Kung ayaw nyong sumunod say ating Panginoong JESUS…